Rezidenca Studentore Universitare numër 2, në Tiranë, ka publikuar këtë të hënë datat kur studentët do të mund të aplikojnë për t’u akomoduar në kuadër të vitit të ri akademik 2023-2024.
Përmes një njoftimi zyrtar në rrjete sociale, rezidenca bën me dije se për vajzat, aplikimi do të jetë i mundur të realizohet nga datat 20-29 shtator, prej orës 08:30-17:00. Ndërsa për meshkujt, datat janë nga 25-29 shtator, orari 08:30-17:00.
Po ashtu, bëhet me dije edhe lista e dokumentacionit të nevojshëm për regjistrim. Kështu kërkohet fotokopje e kartës së identitetit; Raport Mjeko-Ligjor; Vërtetim banimi; Fotokopje e kartës së studentit; Vërtetim nga fakulteti ose deklaratë për studentët e vitit të parë akademik, si edhe 2 fotografi.
Sipas njoftimit, për sektorin Inxhinieri, regjistrimet bëhen në godinat A-B, tek Rruga ‘Artan Lenja’, pranë ish-Fushës së Aviacionit. Për sektorin Mjekësi regjistrimet bëhen në godinën nr. 1: Rruga e Dibrës, përballë ‘Shkollës së Bashkuar’.
