Xhudistja shqiptare Majlinda Kelmendi është përfshirë në një aksident pasditen e djeshme në Prishtinë.
Sipas mediave në Kosovë, një automjet policie ka përplasur mjetin e llojit “Poersche Macan”, të cilën po e ngiste xhudistja kampione e botës, Majlinda Kelmendi.
Raportohet se ngjarja ka ndodhur pasi policia ishte në aksion e sipër për të parandaluar një grabitje që po ndodhte në atë zonë, në një filial banke. Deri më tani nuk raporotohet për persona të lënduar, por vetëm për dëme materiale.
Sa i përket grabitjes, policia e Kosovës ka njoftuar se një prej autorëve është arrestuar, teksa personi tjetër i përfshirë, është shpallur në kërkim dhe po punohet për kapjen e tij.
