Policia e Tiranë ka arrestuar një person të shpallur në kërkim kombëtar. Në kuadër të operacionit policor të koduar “Bridge” është vënë në pranga shtetasi Edison Ismaili, 31 vjeç, banues në Tiranë.
Autoritetet bëjnë me dije se ky shtetas ishte shpallur në kërkim pasi Gjykata e Rrethit Gjyqësor Pogradec e ka dënuar me 5 vjet e 4 muaj burgim, për veprat penale “Ndihma për kalim të paligjshëm të kufirit” dhe “Mosbindja ndaj urdhrit të punonjësit të policisë së rendit publik”, pasi në vitin 2019, në Pogradec, ka bashkëpunuar me shtetas të tjerë, për të transportuar emigrantë të paligjshëm, kundrejt pagesës.
Materialet i kaluan Prokurorisë, për veprime të mëtejshme.
