Një perimetër i madh zjarri ka përfshirë aeroportin e Olbias pasditen e sotme. Mediat italiane, raportojnë se në këto kushte, autoritetet kanë marrë masa duke mbyllur përkohësisht pistën “Costa Smeralda”.
Zjarret kanë përfshirë fshatin pranë lumit Enas, përgjatë vijës jugore të uljes së avionëve, me flakët e që po përhapen me shpejtësi për shkak të erës së fortë.
Një Canadair i mbrojtjes civile kombëtare, dy helikopterë të flotës rajonale dhe disa ekipe ndodhen në terren dhe po punojnë për të vënë flakët në kontroll.
