Një aksident i rëndë ka ndodhur mesditën e kësaj të diele në Shkodër, ku një makinë ka përplasur një këmbësor.
Sipas informacioneve paraprake, ngjarja ka ndodhur në hyrje të Shkodrës në lagjen “Liria”, ku një automjet që po lëvizte me shpejtësi ka përplasur një 73-vjeçar me inicialet K.N i cili po kalonte rrugën. Mësohet se këmbësori është transportuar për në spitalin e Shkodrës dhe ndodhet në gjendje të rëndë.
Drejtuesi i automjetit u shoqërua në Komisariatin e Policisë Shkodër për veprime të mëtejshme procedurale.
Grupi hetimor ka mbërritur në vendin e ngjarjes dhe po punon për zbardhjen e plotë të aksidentit.
