Terreni i vështirë e ka ndërlikuar punën e forcave zjarrëfikëse, të cilat janë angazhuar prej mbrëmjes së djeshme në shuarjen e zjarrit që ka përfshirë malin e Shpiragut në Berat.
Flakët vijojnë të përhapen, të favorizuara nga era e fortë që fryn në zonë, ndërsa Ministria e Mbrojtjes bën me dije se janë angazhuar 50 trupa të Forcave të Armatosura, 5 mjete dhe helikopteri Cougar për t’i shuar ato.
“Puna nga terreni e ajri vazhdon për të vënë në kontroll përhapjen e flakëve të cilat u favorizuan nga era dhe temperaturat e larta. Situata është e vështirë për shkak të terrenit por operacioni i Forcave të Armatosura do të vazhdojë me intensitet për të eleminuar plotësisht çdo vatër”, thuhet në njoftimin e ministrisë.
