Kryeministri Edi Rama deklaroi se sfida më e madhe e vendit gjatë verës mbeten zjarret, duke theksuar nevojën për rritje të financimeve dhe kapaciteteve në sektorin e pyjeve.
Për dëmet e mëdha të shkaktuara nga flakët ai u justifikua se askush “nuk i ka gjetur ilaçin zjarreve”, dhe sipas tij, vendi duhet të forcojë sistemet e menaxhimit dhe të rrisë sipërfaqet e pyllëzuara.
Rama foli për një reformë të re në Ministrinë e Mjedisit dhe për vendosjen e një sistemi kombëtar menaxhimi, duke pranuar se aktualisht “menaxhimi është i fragmentuar” dhe se modelet ekzistuese “nuk janë koherente me njëra-tjetrën”.
Megjithatë këto janë premtime të ngjashme janë bërë çdo vit nga Rama, ndërsa situata ka treguar mungesë të mjeteve, koordinimit dhe investimeve reale.
Çdo verë, Shqipëria përballet me dhjetëra vatra zjarri, ndërsa kapacitetet e emergjencave civile dhe strukturave pyjore janë të pamjaftueshme dhe të vjetëruara duke u detyruar që të kërkojmë ndihmën e fqinjëve siç është Greqia.
“Sot kemi një menaxhim të fragmentuar, kemi modele që nuk janë koherente me njëra tjetrën. Vendosja e një sistemi kombëtar menaxhimi, është një tjetër aspekt që besoj se do të na garantojë kjo reformë që ka nisur të konceptohet në Ministrinë e Mjedisit. Jemi në një tjetër sfidë të madhe dhe e shohim gjatë sezonit të verës kur temperaturat rriten shumë, sfida e madhe e zjarreve.
Për këtë arsyeje, nevoja që të ndërhyjmë me shumë kurajo në aspektin e reformës dhe me shumë angazhim për vëmendjen, sa i përket pyjeve, është çdo vit dhe më e madhe. Rritja e kapaciteteve tona për pyllëzim, është çdo vit dhe më e madhe.
Askush nuk i ka gjetur ndonjë ilaç zjarreve, që kur vijnë bëjnë dëme dhe kolosale, por nuk mund të qëndrojmë duke përsëritur të njëjtën gjë, sado të jetë rezultative në periudha të mëparshme.
Vitin që vjen do të rrisim dhe financimet dhe intensitetin e pyllëzimeve. Sipas metra katorëve që ndërtojnë, do të kontribuojnë në shtimin e fondit të gjelbër.”, tha ai.
LEXO EDHE:
