Një 22 vjeçar ka rënë në prangat e policisë së shtetit pasi kishte plagosur me thikë një shtetas 24 vjeçar.
Në një lokal mbrëmjen e djeshme në qytetin e Pogradecit dy të rinjtë u konfliktuan me njëri-tjetrin. 22 vjeçari U.B., më pas goditi me mjet prerës 24 vjeçarin R.J. banues në Pogradec, i cili ndodhet në spital nën kujdesin e mjekëve jashtë rrezikut për jetën.
Gjithashtu janë proceduar në gjëndje të lirë tre shtetas, 24 vjeçari i dëmtuar së bashku me dy shokë të tij banues në Pogradec pasi kanë goditur me grushte 22 vjeçarin e arrestuar.
Njoftimi i Policisë:
Pogradec
Plagosi me mjet prerës një 24-vjeçar, gjatë konfliktit në një lokal, kapet dhe vihet në pranga autori i dyshuar.
Procedohen në gjendje të lirë 3 shtetas të tjerë të përfshirë në konflikt.
Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin U. B., 22 vjeç, banues në Pogradec, pasi dyshohet se gjatë një konflikti për motive të dobëta të ndodhur në orët e vona të mbrëmjes së djeshme, në ambientet e një lokali, në lagjen nr. 1, Pogradec, ka plagosur me mjet prerës (thikë) shtetasin R. J., 24 vjeç, banues në Pogradec, i cili ndodhet në spitalin e Pogradecit, në kujdesin e mjekëve.
Gjithashtu, në vijim të veprimeve të kryera për këtë rast u referuan materialet në Prokurori ku filloi procedimi në gjendje të lirë për shtetasit R. Sh., 23 vjeç, banues në fshatin Gështenjas, Pogradec, F. Xh., 34 vjeç, banues në fshatin Vërdovë, Pogradec dhe R. J., 24 vjeç (i dëmtuari), pasi gjatë konfliktit e kanë goditur me grushte 22-vjeçarin U. B.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
