I akuzuar se mori “peng” 13 emigrantë nga vendet e Lindjes së bashku me dy shtetas greke, biznesmeni me origjinë shqiptare nga Aleksandropolis, Astrit Tota ka reagur për mediat duke shprehur versionin e tij të ngjarjes.
Pasi video ku emigrantët e trembur qëndronin brenda një kamionçinë dhe Tota i akuzone për zjarrvënie, u bë virale, shqiptari ke reaguar duke thënë se i ka parë të ndezin zjarr në zonat pyjore të Aleksandropolis.
“Unë nuk jam fashist apo racist, tha ai për GRTimes, duke shtuar se vendi ku u filmua video është 200 metra nga biznesi i tij.
“Në zonë u gjetën disa struktura të improvizuara ndezëse. Ditët e mëparshme ishin evakuuar periferitë dhe vendbanimet e Aleksandropolisit, si dhe Spitali i Përgjithshëm Universitar. Natyrisht, të gjithë banorët kishin humbur gjumin dhe ishin në gatishmëri që zjarri të na gjente gjatë natës. Në pikën specifike midis Aleksandoupolit dhe S. Kilit, pas një zinxhiri supermarketesh, vura re një grup prej 13 personash të cilët ndodheshin rreth një objekti dhe po përpiqeshin t’i vinin flakën teksa mbanin në duar një tullumbace që mbante erë benzine dhe ata po ashtu kishin një thikë me vete. Menjëherë kam thirrur dy bashkëqytetarë të mi që ndodheshin në vendngjarje dhe i kemi kërkuar që të hidhnin thikat dhe sendet që mbanin në duar. Ne i penguam ata të krijonin një burim aktiv zjarri brenda strukturës urbane. Atëherë do të duhej të sigurohesha që ata të mos iknin dhe të mos na sulmonin derisa të vinte policia. Menjëherë thirra policinë dhe pas dhjetë minutash në vendngjarje mbërriti një patrullë që i mori”, thotë Tota.
Ai shprehet se thjeshte veproi pasi ishte i shqetësuar nga fakti se kishte pikasur zjarrvënës në qytet teksa po përgatiteshin të ndiznin zjarr.
“Nuk më interesonte nëse ishin emigrantë, nëse vinin nga Shqipëria, Siria, Greqia apo Australia. Unë nuk jam as fashist, as racist dhe jam absolutisht i sigurt që këtë e dinë edhe bashkëqytetarët e mi të Aleksandoupolit me të cilët kam bërë biznes gjatë gjithë këtyre viteve”, dëshmoi ai.
Sipas avokatit të biznesmenit, Vasilis Demiri, çështja po hetohet në dy aspekte nga Gjykata e Drejtësisë, e cila është e vetmja kompetente për të vendosur.
“Ne do të ofrojmë çdo ndihmë të mundshme dhe çdo element që do të kontribuojë në kërkimin e së vërtetës thelbësore. Për momentin kemi marrë një afat për kërkim falje para zonjës Anakritria për të premten”, tha ai për GRTimes.
