Një ngjarje e rëndë raportohet të ketë ndodhur në Amfilochia të Greqisë.
Mediat helene raportojnë se një 68-vjeçar është torturuar nga i biri (40 vjeç) dhe dy nipat e tij (23 dhe 17 vjeç) brenda shtëpisë së tij.
Pas mosmarrëveshjeve financiare që patën ditën e hënë, të tre kanë hyrë në shtëpinë e 68-vjeçarit, duke e lidhur me litar dhe kanë nisur ta godasin pa mëshirë me grushte dhe shkelma.
Pasi ai hoqi dorë nga rezistenca, i biri dhe nipat kontrolluan shtëpinë duke vjedhur 1700 euro dhe celularin e të moshuarit.
Më pas ata janë larguar duke i kyçur derën dhe i moshuari është lënë të vuajë, i gjakosur dhe i lidhur me litar gjatë gjithë natës.
Më pas arriti të zgjidhet nga litari dhe u hodh nga dritarja për të shkuar në polici.
Pas kërkimeve, i biri dhe dy nipat e tij u arrestuan dhe u dërguan në Prokurorinë e Rrethit të Mesolongut ndërsa mbi ta rëndojnë akuza për grabitje, plagosje, grabitje dhe dhunë në familje.
