U luajtën sonte në mbrëmje tre ndeshjet e para të raundit play off të UEFA Champions League për të hedhur një hap drejt fazës së grupeve. Sfida interesante në tre stadiume por ndeshja më e luftuar ishte ajo e “Ibrox Park” mes Rangers dhe PSV Eindhoven.
4 gola por asnjë fitues mes skocezëve dhe holandezëve që një javë më vonë duhet të rinisen nga ky barazim për të caktuar skuadrën që do të marrë pjesë në fazën e grupeve këtë sezon.
Ndërkohë në Poloni, FC Copenhagen kaloi 1-0 kampionët e Rakow Czestochowa duke hedhur një hap të madh drejt fazës tjetër edhe pse ndeshje mbetet e hapur deri në fund.
Më të lehtë nuk do ta ketë as Royal Antwerp që mundi 1-0 AEK-un e Athinës por një javë më vonë duhet të mbrojë avantazhin minimal.
