Policia Rrugore e Tiranës ka identifikuar drejtuesin e mjetit “BMW X6” që përfundoi në pedonalen e digës së Liqenit Artificial.
Bëhet fjalë për një djalë të moshës së 26 vjeç nga qyteti bregdetar i Durrësit, teksa dyshohet se ka qenë duke lëvizur nga “Rruga e Kosovarëve” në drejtim të digës.
Gjithashtu dyshohet se i riu mund të ketë qenë në efektin e alkoolit apo të substancave narkotike. Blutë e Tiranës po punojnë për kapjen e tij dhe shoqërimin për kryerjen e veprimeve hetimore.
Nga rindërtimi paraprak i skenës së ngjarjes, rezulton se makina tip “BMW X6” ka qenë duke duke lëvizur me shpejtësi mbi normat e lejuara në “Rrugën e Kosovarëve” dhe ka ngjitur maloren e digës së liqenit, duke u ndalur vetëm nga barrier anësore.
Të shokuar në sfond shihen këmbësorët që bëjnë çdo mëngjes ecje apo dalin shëtitje në zonën e liqenit Artificial, aty ku jeta e tyre duhet të ishte në duar të sigurta pasi është një zonë e dedikuar për ta.
Çmenduri në Tiranë/ BMW luksoze përplaset mbi digën e liqenit Artificial (Foto)
