Inter e ka nisur mbarë sezonin e ri, duke fituar 2-0 në shtëpi ndaj Monza-s dhe marrë tri pikët e para. Një ndeshje ku diferencën e bëri Lautaro Martinez me dy golat e tij.
Trajneri Simone Inzaghi ka ndarë mendjen për formacionin, duke përjashtuar të gjitha surprizat, teksa në sulm luajtën Lautaro dhe Marcus Thuram, ndërsa në pjesën tjetër të reparteve konfirmohen titullarët e sezonit të kaluar, me ndryshimin në portë ku luan Sommer dhe në qendër të mbrojtjes, ku De Vrij zëvendësoi Acerbin e dëmtuar.
Nga ana tjetër, trajneri i Monzës u beson nga minuta e parë emrave si Gagliardini e D’Ambrossio, të cilët veshën fanellën e Interit sezonin e kaluar…
Në minutën e tetë, aksion spektakolar i Interit, me Dumfries që gjen Lautaron në zonë dhe kapitenin zikaltër që shtyn topin në rrjetë, duke shënuar golin e avantazhit. Për punë centimetrash argjentinasi nuk ishte jashtë loje. Kaq mjaftoi për pjesën e parë.
