Serie A nis rrugëtimin e gjatë të sezonit të ri por muzika nuk ndryshon. Napoli fiton bindshëm në transfertën e debutuesve të Frosinones me rezultatin 3-1.
Skuadra e trajnerit Rudi Garcia dhuroi të njëjtin volum loje si kampionët e Spalletit edhe pse nuk kishte në përbërje të dëmtuarin Kvaratschkelia.
Pas minutës së 6 kur Frosinone kaloi në avantazh me një penallti të kontestuar, nuk pati më histori në fushën e lojës pasi Politano barazoi ndërsa Raspadori u kap nga sistemi VAR pas një goli tjetër.
Gjithsesi, brenda pjesës së parë Victor Osimhen kaloi në avantazh miqtë dhe shtoi një të tretë 11 minuta nga fundi për të hipotekuar suksesin e parë që në javë e parë. Në ndeshjen tjetër, Verona triumfoi 1-0 në transfertën toskane të Empolit.
