Pak ditë pas rastit kur 4 italianë ikën me vrap nga restoranti në Berat, për të mos paguar faturën, një tjetër rast ka ndodhur në një hotel në Sarandë.
Pronarët e hotelit kanë publikuar pamjet, për të denoncuar rastin kur turistët italianë kanë vjedhur çarçaf, jastëk e peshqir.
Fillimisht ata nuk kanë pranuar, ndërsa pas kontrollit ka rezultuar se në çantën e tyre ndodheshin sendet e grabitura nga hoteli.
Kryeministrja italiane, Giorgia Meloni u shpreh e turpëruar nga veprimi i turistëve në Berat dhe e pagoi personalisht faturën e tyre, por si do reagojë kësaj rradhe? Do sjellë peshqirë, çarçafë e jastëk nga Italia?!
Video është publikuar nga “Saranda Web” dhe drejtuesit e hotelit shkruajnë si më poshtë:
“Ju lutem publikojeni videon, shikoni se si na vjedhin italianët. Vemi të pastrojmë dhomën dhe na mungon jastëku, kllëfi i jastëkut, çarçafi dhe nje peshqir. I lanë valixhet dhe erdhën ti marrin në orën 16 e 30 minuta. Kur u them se mungojnë në dhomë jasteku, peshqiri dhe çarçafi, thanë nuk dimë gjë. Një çantë e kishin marrë me vete, kur vajta dhe i thashë sille çantën e solli e kontrolluam dhe i gjetëm. Nuk u bëri fare përshtypje, vetëm thanë na falni dhe ne si gjithmonë kur kapim hajdutin e falim”.
