Nga Boldnews.al
Ishte dosja e parë që u denocua në SPAK ajo e (sterilizimit të pajisjeve kirurgjikale), por është më e fundit në hetime, ku ditën e djeshme u proceduan penalisht tetë persona, ish-zyrtarë publik dhe mjekë. Janë cakuar masat “arrest me burg” për ish-zëvendësministrin e Shëndetësisë, Klodian Rjepaj, si dhe biznesmenin që ka fituar koncesionin, Ilir Rrapaj. Gjithashtu, janë caktuar masat “arrest shtëpie” për: Saimir Kadiu, Drejtor Ekonomik, dhe Marsela Serjanaj, Drejtoreshë Juridike. Si dhe masat “detyrim paraqitje” për: Arben Gjata, Pertef Mersini, Genc Burazeri dhe Naile Ajazi.
Kaq, vetëm kaq thuhet për momentin, duke mos e përfshirë fare në masë ish-ministrin e Shëndetësisë Ilir Beqja, i anatemuar për afera të rënda korruptive, aq sa ishte ndër emrat e parë që kryeministri Rama me dhimbje e largoi nga kabineti i tij. Konçesioni i sterilizimit të pajisjeve kirurgjikale me një vlerë të frikshme prej 100 milionë eurosh tani e gjen Beqjan zyrtarisht “steril”, në kuptimin shqip: “të pastër”. Megjithatë nuk duhet të jetë aq i qetë. Gjykata i ka kërkuar SPAK-ut që për këtë konçesion të hetohet roli i ish-ministrit të Shëndetësisë Ilir Beqja dhe ish-ministrit të Financave Shkëlqim Cani.
Paradoksalisht SPAK e pastroi Beqjan në valën e parë. Prokuroria e Posaçme hetoi gjatë, aq gjatë sa e zvarritri çështjen deri gati në parashkrim të veprës penale, por në fund kishte vetëm dy rrugë: ose ta mbyllte çështjen ose të procedonte ca njërëz, por jo në në nivelin e lartë. Organizatori, firmëtari dhe shtysa më e madhe e këtij konçesioni ishte Ilir Beqja. Gjithashtu janë publike njohjet e tij me biznesmenin Ilir Rrapaj, që kishte vetëm dy punëtorë ndërtimi si të punësuar në kompaninë e tij, por Beqja dhe Rama i japin konçesion shëndetësor në vlerën 100 milionë euro.
Iliri i Rilindjes nuk u prek, dhe jo pa qëllim. I vetëdijshëm se gjurmët i kishte lënë të trasha në këtë aferë dhe një tjetër që bën zhurmë të madhe, Beqja lëvizi gurët aty ku duhej: gjithnjë afër kryeministrit. Zotësia e tij është aq e madhe sa Rama e ka bërë kryemenaxher të administrimit të fondeve dhe granteve që vijnë nga BE dhe SHBA. Aq sfidues ishte Rama me Beqjen e tij sa në sytë e ambasadores Yuri Kim një vit më parë e prezantoi si kryemenaxher. Ajo iku menjëherë pasi ish-ministri mori fjalën, por kjo situatë nuk e pengoi aspak Ramën që të tregonte snobizëm dhe arrogancë ndaj kryediplomatëve që i godiste pikërisht në “mburrjen e tyre”, drejtësinë e re.
SPAK u vu nën trysni të madhe publike për shkak se kjo aferë kaq e trashë dhe e rëndë po zinte myk. Në fund sa për sy e faqe u tentua të mbulohej shumëçka, duke shkuar vetëm në rangun e zëvendësministrit dhe poshtë. Për Beqjan nuk kishin asnjë pengesë. Ai nuk kishte pushtet, as duhej mandate për kontrollin e banesës, as leje nga parlamenti, sepse Beqja është “person i thjesht” që administron mbi 2 miliardë eurove fonde të BE-së dhe SHBA-së…
Një mundësi Beqja e kishte që të rikthehej në politikë, ku mund të pranonte mandatin e deputetit në Shkodër, pas zgjedhjes së Benet Becit në krye të kësaj bashkie, por nuk pranoi. Tenton të mbajë një profil të ulët publik dhe gjithnjë në kërkim të aventurave të reja. Prej vitesh njihet në rangjet e shumta shoqërore si një organizator i festave të mëdha, me grupe të ndryshme interesi dhe Iliri i Rilindjes është gjithnjë aty. Nderin e madh ia bëri prokuroria duke mos e përfshirë në listën e parë të të proceduarve për konçesionin e sterilizimit, duke e bërë realisht steril (të pastër). A do vijojë gjatë të jetë i lirë Iliri?
