Kryeministrja e Italisë, Giorgia Meloni qëndroi disa ditë në Vlorë në vilën rezidenciale të Kryeministrit Edi Rama, me bashkëshortin Andrea Giambruno, vajzën Ginevra dhe motrën e saj Arianna e bashkëshortin Francesco Lollobrigida.
TCH ka publikuar pamje nga pushimet e saj dhe të familjarëve në vilën qeveritare si e ftuar e Kryministrit Rama.
Meloni ka shëtitur përgjatë bregdetit shqiptar vetëm përmes detit dhe nën masa të rrepta sigurie.
Mediat italiane aludojnë edhe për një takim të saj me Tony Blair duke iu referuar vizitës së tij në Shqipëri në të njëjtën kohë me kryeministren italiane.
