Gjykata e Posaçme Kundër Korrupsionit dhe Krimit te Organizuar ka caktuar masat e sigurimit ‘Arrest me burg’ për 6 të arrestuarit në kuadrin e operacionit “Flakë në det”. Ata u kapën duke transportuar një sasi lënde narkotike në një velierë që udhëtonte nga Shqipëria në drejtim të brigjeve italiane.
Në burg janë lënë:
1. Arlind Ismailukaj, 47 vjeç, banues në Tiranë:
2. Armando Mema, 37 vjeç, banues në Tiranë;
3. Nerim Çela, 40 vjeç, banues në Fushë Kuqe, Laç;
4. Besnik Brokeri, 51 vjeç, banues në Vlorë;
5. Kyrylo Ponomarenko, 39 vjeç, banues në Ukrainë;
6. Kostiantyn Biellon, 44 vjeç, banues në Ukrainë.
Mësohet se ish-policit Arlind Ismailukaj në kroskotin e makinës i kanë gjetur 10 mijë euro.
Policia ka sekuestruar 28 kilogramë kanabis në afërsi të vendit ku u dogj veliera. U sekuestruan gjithashtu 2 armë zjarri dhe 200 fishekë luftarak, një makinë tip “Audi”, 4 aparatë për ruajtjen e pamjeve filmike, 45 mijë euro, 2 milionë e 500 mijë lekë, 500 paund, 50 franga, 2 mijë lira dhe 25 celularë.
