Deputetja e PD-së, Albana Vokshi ka reaguar në lidhje me urdhër-arrestet e lëshuara nga prokurët e SPAK, Ened Nakuçi dhe Edvin Kondili për koncesionin abuziv të sterilizimit me vlerë 100 milionë euro.
Në një postim në rrjetet sociale, Vokshi shkruan se SPAK, pavarësisht arrestimit të Ilir Rrapajt dhe Klodjan Rrjepajt, ende nuk ka reaguar ndaj të gjitha denoncimeve që janë bërë për këtë dhe të tjera koncesione ne shëndetësi, që mbajnë vulën dhe firmën e ish-ministrit Ilir Beqja.
Më tej, Vokshi shkruan se biznesmeni fitues i koncesionit, Ilir Rrapajt është mik i ngushtë i Ilir Beqajt dhe i ka paguar spitalin këtij të fundit në Itali dhe se dyshohet se i ka blerë edhe një shtëpi në atë shtet. Sipas saj, ish-zv.ministri Klodjan Rrjepaj nuk mund të vepronte pa urdhërin dhe porosinë e Ilir Beqajt dhe ky i fundit nuk mund të vepronte pa dijeninë dhe miratimin e kryeministrit Edi Rama.
Deputetja demokrate i bëmn thirrje SPAK-ut që ti shkojë deri në fund dhe me profesionalizëm, hetimeve të këtij koncesioni, pasi sipas saj, fakte ka plot dhe se shkeljet janë të shumta: si në hartimin e termave të referencës, si në procesin e prokurimit, si në implementim. “SPAK duhet të vijojë hetimin, të shkojë te hartuesit, iniciuesit, urdhëruesit dhe implementuesit e koncesionit të Sterilizimit: Edi Rama, Ilir Beqaj dhe Ogerta Manastirliu.” – shton më tej Vokshi.
Postimi i plotë i Albana Vokshit:
SPAK ka arrestuar Ilir Rrapaj dhe Klodian Rrepaj. Si dhe ka lëshuar 8 urdhër arreste për persona të përfshirë në këtë aferë.
Por SPAK ende nuk ka reaguar ndaj të gjitha denoncimeve që janë bërë për këtë dhe të tjera koncesione ne shëndetësi, që mbajnë vulën dhe firmën e Ilir Beqes.
Kush e beson qe Klodian Rrepaj do të vepronte pa urdhërin dhe porosine dhe mbikqyrjen direkte të Ilir Beqaj? Dhe ky i fundit pa dijeninë dhe miratimin e Edi Ramës ??
Të gjithë e kanë të qartë që Ilir Rrapaj ishte miku i ngushtë i Ilir Beqes. Që kishte paguar për spitalin e Ilir Beqes në Itali. Madje, thuhet që i ka blerë edhe nje shtëpi në Itali.
SPAK duhet t’i shkojë deri në fund, me profesionalizëm, hetimit të një prej koncesioneve më abuzive në shëndetësi. Fakte ka plot. Mjafton të ndiqet i njëjti standart si me Arben Ahmetaj.
Shkeljet janë të shumta: si në hartimin e termave të referencës, si në procesin e prokurimit, si në implementim.
Opozita dhe shoqëria civile kanë e kanë denoncuar në menyrë të vazhdueshme.
KLSH ka lëshuar alarmin për vite me rradhë…
Por Rama – Beqja kanë refuzuar të heqin dorë nga fitimet marramendëse që merrnin nga ky koncesion, dhe koncesioneve të tjera në shëndetësi, koncesione që kanë shkatërruar cdo shtyllë të shëndetësisë.
SPAK duhet të vijojë hetimin, të shkojë te hartuesit, iniciuesit, urdhëruesit dhe implementuesit e koncesionit të Sterilizimit: Edi Rama, Ilir Beqaj dhe Ogerta Manastirliu.
Cdo masë tjetër do jetë e pamjaftushme.
#abuzimi me paratë e shëndetit të shqiptarëve është #krim! E ky është #krim ende i #pandëshkuar.
