Tashmë është zyrtare. Klubi nga Arabia Saudite, Al Hilal ka zyrtarizuar brazilianin Neymar Jr. si lojtarin më të ri të klubit.
Në një postim në Instagram, klubi ka shpërndarë një video ku tregon se Neymar do të veshë fanellën me ngjyrë blu për dy sezonet e ardhshme, nga një kontratë ku do të përfitojë 320 milionë euro.
Ylli brazilian transferohet në klubin saudit pas gjashtë sezonesh të kaluara në Francë me PSG.
View this post on Instagram
Për transferimin e tij në vitin 2017, PSG i pagoi Barcelonës 222 milionë euro, ndërsa arabët e Al Hilal do të derdhin në arkat e klubit parizien plot 90 milionë euro.
Sipas marrëveshjes së zbuluar nga mediat, El Ney do të përfitojë përveç pagës së tij edhe një avion privat.
Ai dhe Bruna Biancardi do të jetojnë edhe nëse nuk janë të martuar, në një shtëpi të madhe me staf si shërbëtorë, kopshtarë dhe kamarierë. Gjithashtu Neymar do të paguhet 80,000 € për çdo fitore të Al-Hilal, dhe 500,000 € për secilin prej postimeve në Instagram ku ai promovon Arabinë Saudite.
