Një zjarr ka rënë mbrëmjen e kësaj të enjte në Lazarat të Gjirokastrës. Mësohet se zjarri është shfaqur rreth orës 19.00, duke përfshirë një sipërfaqen me shkurre, dhe duke rrezikuar banesat që ndodheshin aty pranë.
Në vendngjarje kanë ndërhyrë efektivat zjarrfikës, policisë dhe punonjës të Bashkisë Gjirokastër duke bërë të mundur shuarjen e zjarrit.
Gjatë kësaj jave në Gjirokastër janë riaktivizuar disa vatra zjarresh ndërkohë që ditën e sotme policia lokale procedoi penalisht një person të dyshuar si autor i vatrës së zjarrit në fshatin Mashkullorë, ku flakët e përhapura në sipërfaqe kullote rrezikuan të përfshinin një pikë karburanti.
