Me një banderolë të madhe ku shkruhet “larg duart nga parku”, aktivistë të Lëvizjes Bashkë kanë protestuar pasditen e sotme në zonën ku planifikohet të ndërtohet kulla 58 kate në Tiranë, pranë qendrës së kryeqytetit.
Kreu i “Lëvizja Bashkë”, Arlind Qorri bëri thirrje për thellim të rezistencës kundër këtij projekti. Protestuesit hodhën gjithashtu akuza ndaj kryebashkiakut të Tiranës, Erion Veliaj, duke e quajtur “shërbëtor të oligarkëve”.
Më tej, protesta u zhvendos përpara Bashkisë Tiranë, ku protestuesit thirrën edhe emrin e Ardit Gjokljat, djalit që humbi jetën në landfillin e Sharrës e që moralisht i është faturuar si vdekje kryebashkiakut Erion Veliaj.