Është anuluar takimi dypalësh i Ministrit të Brendshëm Taulant Ballës me homologun e tij grek Ionais Ikonomou.
Shkak për anulimin e takimit janë bërë trazirat para ndeshjes AEK – Dinamo Zagreb që do të zhvillohet mbrëmjen e sotme në Greqi, në kuadër të kualifikuesve për kompeticionin CHmpions League. Si pasojë e këtyre trazirave ka humbur jetën një 29-vjeçar, tifoz i AEK-ut.
Gjatë këtyre përleshjeve të dhunshme janë plagosur edhe tetë persona të tjerë. Raportohet se në lidhje me përleshjet janë arrestuar 96 persona, mes tyre 82 kroatë, 1 austriak, 1 boshnjak, 1 shqiptar, 1 gjerman dhe 2 grekë.
Ministri grek i Mbrojtjes së Qytetarit, Ionais Ikonomou, dhe Taulant Balla do, do të takoheshin paraditen e sotme në pikën kufitare të Kakavijës.
