Ka dhënë dorëheqjen ditën e sotme ministri i Mbrojtjes në Kosovë, Armend Mehaj. Mediat kosovare raportojnë se kryeministri Albin Kurti e ka pranuar dorëheqjen e tij.
Po ashtu, raportohet se në vend të Mehajt, në krye të Ministrisë së Mbrojtjes do të emërohet koloneli i Forcës së Sigurisë së Kosovës, Ejup Maqedonci.
Sipas mediave kosovare, Armend Mehaj ka dhënë dorëheqje për arsye familjare. Nuk dihet nëse do të transferohet në ndonjë pozitë në institucionet e Kosovës, apo do të kthehet në vendin ku ka jetuar e punuar në Norvegji.
