Të shtëna me armë zjarri janë dëgjuar këtë të hënë në një lokal në Kosovë.
Mediat rajonale bëjnë me dije se ngjarja ka ndodhur në rrugën “Leonard Palucaj”, ku si pasojë e të shtënave ka ndërruar jetë një person.
“Rreth orës 16:40 policia është njoftuar se në një lokal në rrugën “Leonard Palucaj” në Klinë ka pasur të shtëna me armë zjarri. Policia ka dalë menjëherë në vendin e ngjarjes. Nga këto të shtëna një person është plagosur dhe është dërguar për tretman mjekësor në Qendrën e Mjekësisë Familjare në Klinë. I dyshuari është arratisur nga vendi i ngjarjes dhe policia është në kërkim të tij”, thuhej në njoftimin e policisë.
Identiteti i viktimës ende nuk bëhet me dije ndërsa vijojnë hetimet lidhur me rastin.
