33-vjeçari Rei Azizi është autori i ngjarjes së rëndë në Vlorë. Azizi ka grushtuar për vdekje 55-vjeçarin Armando Meshau pas një konlikti për motive pronësie.
Burime mediatike bëjnë me dije se vrasësi është arrestuar dhe ndodhet në ambientet e komisariatit të Vlorës.
Ngjarja ka ndodhur në një qendër interneti, pranë gjykatës së Vlorës.
Si ndodhi ngjarja
Burime bëjnë me dije se Armando Meshau ka qenë në qendërn e internetit për të printuar disa dokumente dhe mësohet se aty ka nisur debatin dhe me autorin, i cili ka qenë i pranishëm në ato ambiente.
Po të njëjta burime bëjnë me dije se debati ka degjeneruar me grushta ku shkaku ka qënë një banesë. Mësohet se autori gjatë debattit e ka ofenduar Armando Meshaun, teksa ky i fundit i është drejtuar me fjalët: “S’ke për ta marrë apartamantin me fjalë banale”.
Ndërkohë që autori në këtë moment e ka qëlluar dy herë me grusht në fytyrë dhe nga goditja personi ka rënë pa ndjenja duke humbur dhe jetën.
Autori është shpallur në kërkim nga policia, ndërkohë që identifikimi i tij ka qenë i lehtë për shkak se e gjithë zona ka qenë e monitoruar nga kamerat e sigurisë. Armando Meshau ishte një emër i njohur në fushën e ndërtimit në Vlorë.
