26 persona janë arrestuar ditën e sotme në Spanjë në kuadër të një operacioni antidrogë.
Mediat e huaja bëjnë me dije se këta shtetas kishin krijuar një rrjet trafikimi droge dhe operonin në Galaci dhe lidheshin me Amerikën e Jugut. Të arrestuarit janë shtetas spanjollë, shqiptarë dhe kolumbianë.
Hetimi lidhur me këtë operacion ka nisur në tetor të 2021, ku u mor një informacion për një organizatë që po përgatiste dërgesë nga Amerika e Jugut në Spanjë.
Në atë kohë hetuesit identifikuan personat kryesorë që qëndronin në krye të organizatës dhe që kishin lidhje me investitorë, transportues dhe financues të trafikut të drogës në Amerikën e Jugut.
Trafikantët përdornin varka peshkimi për të transportuar lëndën narkotike, por në atë kohë ndërhyrja e autoriteteve nuk rezultoi plotësisht e suksesshme.
