Dita e sotme, e diel, 6 gusht, ka nisur me aksidente të shumta rrugore ku kanë mbetur të plagosur 18 persona.
Fatmirësisht nuk ka viktima, edhe pse disa prej të plagosurve janë në gjendje të rëndë shëndetësore.
- Aksident në rrugën e Kombit
Një makinë me targa serbe është përplasur me trafik ndarësen dhe ka dalë nga rruga.
Si pasojë janë plagosur 5 anëtarë të një familje, 3 famijë dhe burrë e grua. Të plagosurit janë dërguar në spitalin e Rrëshenit, gruaja ndodhet në gjendje të rëndë.
Familja ishte nisur për pushime.
- Dy aksidente në të njëjtin vend në Shkopet
Dy persona kanë mbetur të plagosur mëngjesin e kësaj të diele në aksin rrugor Burrel – Skuraj. Automjeti me të cilin po udhëtonin doli nga rruga dhe përfundoi disa metra poshtë saj.
Ngjarja ka ndodhur në Shkopet në vendin e quajtur “Vabli”, në një kthesë. G
Nuk dihen shkaqet e aksidentit ndërsa dy personat që ndodheshin në automjet janë dërguar për të marrë shërbim mjekësor në spitalin e Laçit.
Po në të njëjtin vend është aksidentuar gjatë natës një tjetër automjet i cili ka rënë buzë liqenit të Shkopetit. Për fat të mirë asnjëri nga aksidentet nuk ka shkaktuar viktima, ndërsa shkak mund të jetë bërë lagështia në rrugë.
- Aksident në aksin Lushnje-Fier
Aksidenti ka ndodhur në aksin Lushnje – Fier në vendin e quajtur “Safari”.
Në aksident është përfshirë një automjet tip ‘Mazda’ me targa AB 910 HX dhe tjetri tip ‘Ford’ me targa AA 246 JA.
Si pasojë e goditjes së fortë janë lënduar 10 persona, dy prej të cilëve në gjendje të rëndë.
- Aksident në unazën e Korçës
Automjeti tip “Peugeot” me drejtues shtetasin P. V., 74 vjeç, ka përplasur një motomjet me drejtues shtetasin D. H., i cili u dërgua për mjekim në spital, ku ndodhet jashtë rrezikut për jetën.
Me drejtuesin e automjetit po kryhen veprimet e mëtejshme procedurale.
