Një i ri shqiptar është dënuar me burg nga drejtësia në Britaninë e Madhe, pasi u kap në një shtëpi ku kultivohej kanabisi.
21-vjeçari shqiptar Vranakant Mehilli u arrestua në 26 qershor, kur policia britanike kreu një aksion në rrugën Doncaster, Rotherham.
Në gjykatë ai pranoi fajësinë, por tha se kishte shkuar në Angli për punë të ndershme, megjithatë ishte futur në borxhe, çka e kishte detyruar të punonte si fermer kanabisi.
Gjykatësi tha se ishte e qartë që shtëpia ku kultivohej kanabisi ishte për prodhim komercial dhe vendosi ta dënojë shqiptarin me dy vite burg.
