Mbrëmjen e djeshme u mbajt koncerti “Alpha Show” i reperit Noizy (Rigels Rajku) në sheshin “Nënë Tereza” në Tiranë, teksa nuk nguruan të mburreshin me të kryeministri Edi Rama dhe kryebashkiaku Erion Veliaj me postime në rrjetet sociale.
Por, një prej të pranishmëve në këtë koncert, ka denoncuar për JOQ mënyrën e abuzimit financiar, se si janë grabitur qytetarët. Sipas tij, kushdo që dëshironte të blinte diçka, qoftë edhe një ujë, ka qenë i detyruar që stafi ta pajiste me një shirit dore të pajisur me një çip të cilin e çekoje dhe e mbushje me lekë, ku minimumi i mbushjes ishte 15 mijë lekë të vjetra.
Por për këtë veprim stafi i mbante çdo personi një komision prej 1500 lekësh të vjetra. Jo vetëm kaq, por nëse merrje për shembull një ujë dhe dy birra, të ngelnin në llogari 1500 lekë të vjetra të cilat të digjeshin pasi asgjë nuk mund të blije me to, sipas denoncuesit.
Qytetari e quan këtë një vjedhje të hapur duke shtuar edhe faktin se nuk i dhanë asnjë faturë.
Denoncimi i plotë i qytetarit:
“Pershendetje, nqs doje te blije diçka, te jepnin nje shirit dore qe e chekoje dhe duhet te fusje 15 mije leke minimumi te ai chip, i kishe si kredit. Nga 15 mije leke ata te mbanin 1500 leke komision pa lidhje te ngelnin 13 mije e 500 lek. Merje 1 uje dhe 2 birra kanace, te ngelnin 1500 leke dhe s’blije dot asgje tjetër. Dmth qe nga 15 mije leke, 3 mije leke ti mbanin ata komision llogarite vete. Cfare vjedhje kane bere ne ate koncert 🤦🏻♂️. Nuk na dhane as fature. Vjedhje sade fare, une jap leke per te pi, pse duhet te mbajne komision 150 leke sikur po hedh leke ne banke?Ankesa më e fundit ka të bëjë me një denoncim serioz në lidhje me abuzimin financiar që ka ndodhur ndaj atyre që vendosën të shkonin në koncert. Një qytetar i pranishëm ka denoncuar pranë redaksisë sonë se në rast se dëshiroje të blije diçka, stafi të pajiste me një shirit dore të pajisur me një çip të cilin e çekoje dhe e mbushje me lekë, ku minimumi i mbushjes ishte 15 mijë lekë të vjetra.” shkruan ai.
