Bisedat në aplikacionin Sky”, të deskriptuara nga autoritetet franceze, kanë nxjerrë në dritë dhe se si “kokat” e krimit informohen nga efektivë të lidhur me krimin gjithmonë kur Policia del për kontrolle në terren.
Në një prej bisedave, që është në dosjen e SPAK zbulohet se si ish-efektivi Ardit Hasanbegaj në atë kohë shef i krimeve në Shkodër informonte Behar Bajrin në lidhje me aksionin e forcave RENEA, përmes shoferit të Pëllumb Gjokës.
Në fillim është Astmer Bilali, që e informon por më pas mesazhi i shkon dhe Ardit Hasanbegaj i cili ka qenë dhe shef i krimeve në Shkodër
Më 26 korrik 2020 Astmeri informon Beharin se e ka ndjek policia dhe se kanë arrestu “Niqen”, “Arlindin”.
Astmer Bilali: Shif ti andej mos ju vjen kush
Më 27 korrik 2020
Pëllumb Gjoka komunikon me Edmond Prekën
Edmondi i shkruan që, takova Arditin (Ardit Hasanbegaj) më tha me i thënë “Beharit” që mos dil sot me blind se kanë ardhur dy grupe Renea dhe Operacionale.
Në orën 09.39 Pellumb Gjoka i shkruan Beharit “Mos dil me blind sot se janë dy grupet operacionale dhe RENEA”
Behari: Ok vëlla.”
Më datë 28.07.2020 ora 07.05
Astmeri: Më kanë ardhë në shtëpi herët një makinë e RENEA-s dhe një makinë e policisë tonë.
Behari: Do të rrinë nga 4 – 6 ditë
