Një sasi tritoli ka shpërthyer pas mesnate në aksin Fushë-Krujë- Krujë në afërsi të lagjes Zimzenel.
Shpërthimi ka ndodhur rreth orës 02:25, ndërsa janë ende të paqarta rrethanat e ngjarjes. Nuk dihet ende se cili ka qenë objektiv i sulmit pasi sasia e lëndës plasëse ka shpërthyer në mes të rrugës.
Ndërkohë raportohet se nga shpërthimi është hapur një gropë ne rrugë dhe janë thyer xhamat e vitrinat e disa banesave e bizneseve aty pranë.
“Më datë 03.08.2023, rreth orës 02:25, në rrugën “Zim Zeneli” (në asfalt) dyshohet se ka shpërthyer një sasi lënde plasëse dhe si pasojë e shpërthimit janë dëmtuar xhamat e katër bizneseve përreth.
Grupi hetimor po punon për sqarimin e rrethanave të ngjarjes“, thuhet në njoftimin e policisë.
