Martin Nikolli, ish-gardisti dhe shoferi i Lindita Nikollës, i cili dhunoi dhe qëlloi në ajër me armë zjarri ndaj familjes Kaçi në Hamallaj është paraqitur këtë të mërkurë në gjykatë për masë sigurie.
Mësohet e gjykata ka dhënë urdhër mbrojtje për familjen Kaçi, si dhe asnjëri prej tyre të mos jetë sot prezent në seancën gjyqësore. Edhe të afërmit e Martinit po ashtu nuk janë të pranishëm.
Familjet Nikolli dhe Kaçi kanë qenë në konflikt prej kohësh për shkak të një rruge. Martin Nikolla, i cili ishte punonjës i Gardës së Republikës dhe pjesë e grupit të shoqërimit të kryeparlamentares Lindita Nikolla së bashku me vëllezërit e tij i kanë zënë pritë dhe kanë dhunuar 80-vjeçarin Pjetër Kaçi, kryefamiljar i familjes Kaçi cili po kalonte në rrugën e lagjes. Sipas dëshmisë së një prej anëtarëve të familjes Kaçi, Pualin Kaçi, ata u dhunuan me shkop bejsbolli, teksa shtoi se Nikolli qëlloi me armë zjarri në ajër.
