Bullgaria u trondit pas një rasti tjetër dhune në familje. Ky burrë ka sulmuar brutalisht ish të dashurën e tij. Gruaja e re mbeti me 400 qepje rreth trupit të saj dhe hundë të thyer pasi u lidh në shtëpinë e saj. Një muaj pas ngjarjes dhunuesi u ndalua për 72 orë dhe më pas u la i lirë nga gjykata.
“Pavarësisht se sa befasuese dhe skandaloze tingëllon për publikun dhe ne e kuptojmë, por ligjvënësi e cilëson si lëndim të lehtë trupor, edhe nëse nuk është i lehtë në kuptimin jetësor”, tha Tatiana Gioneva, gjyqtare.
Vajza nuk ka dhënë asnjë koment pas sulmit. Familja e saj tha se nuk do të dorëzohen derisa drejtësia të vihet në vend dhe burri që sulmoi vajzën e tyre të vetme të jetë pas hekurave.
“Pse duhej të ndodhte e gjithë kjo? Por ndoshta ne mund të shpëtojmë dhimbjen e dikujt në të ardhmen”, u shpreh Krasimir Mihaylov, babai i vajzës së sulmuar.
Autoritetet e kanë ndaluar agresorin. Policia mësoi se ditë para sulmit ai e ka kërcënuar vajzën.
Në çdo qytet të Bullgarisë njerëzit dolën në rrugë, duke mbajtur tabela “Asnjë grua më shumë”.
“Më shumë se një herë vajza ime është sulmuar sepse ka flokë të kuq apo diçka të tillë dhe unë gjithashtu duhet të punoj si roje për ta, ndërsa ata shkojnë për të blerë akullore”, tha një protestues.
“Unë isha duke ecur në rrugë dhe një grup djemsh filluan të më bërtisnin, njëri prej tyre më hodhi ujë. Filluan të më bërtasin, pse je veshur kështu”, u shpreh një tjetër.
Tetëmbëdhjetë gra u vranë, dyshohet se nga burra që njihnin, në tre muajt e parë të këtij viti, sipas statistikave të policisë, por aktivistët vlerësojnë se ka shumë më tepër viktima. Njerëzit kanë luftuar për ndryshime legjislative për të mbrojtur më mirë gratë nga partnerët abuzues.
