Tedi Malaj është lojtari i radhës që firmos me Partizanin.
Klubi i kuq ka bërë me dije se mesfushori ka arritur marrëveshjen si profesionist me kampionët e Shqipërisë.
Në një njoftim të bërë në kanalin zyrtar të klubit thuhej se:
“Tedi Malaj vishet i kuq. Mesfushori premtues tashmë do të jetë pjesë e organikës së Partizanit U-19. Malaj njëkohësisht një nga lojtarët kryesorë të ekipit tonë kombëtar U-17 është ndër afrimet më cilësore të kësaj moshe. Lojtari është prezantuar sot zyrtarisht në ambientet e stadiumit “Arena e Demave””.
Tashmë pritet të shihet nëse do të ketë minuta për lojtarin e kuq.
Klubi i Partizanit prej kohësh po investon tek talentët dhe Malaj është i radhës që i bashkohet organikës së ekipit të parë.
