Një aksident automobolistik është regjistruar në orët e para të mëngjesit të kësaj të shtune në Pogradec dhe për pasoja kanë mbetur të plagosur dy persona.
Autoritet policore bëjnë me dije se , shtetasi Xh. Ç., rreth 43 vjeç, duke drejtuar automjetin tip kamion “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga. Për pasojë ka mbetur i plagosur drejtuesi i mjetit dhe pasagjeri shtetasi L. Ç., 26 vjeç.
Ngjarja ka ndodhur rreth orës 04:18, në fshatin Bishnicë. Dy të plagosurit janë dërguar me urgjencë për ndihmë mjekësore në spitalin e Pogradecit.
Grupi hetimor po punon për përcaktimin e shkakut të aksidentit.
