Një shtëpi është përfshirë nga flakët mbrëmjen e kësaj të enjte në Shkodër.
Ngjarja ka ndodhur në lagjen “3 Heronjtë”, ndërsa mësohet se brenda banesës në momentin e zjarrit ka qënë një i moshuar.
I moshuari ka mbetur i plagosur e si pasojë është nisur drejt spitalit rajonal të Shkodrës, ku po merr ndihmën e parë mjekësore.
Ende nuk dihen shkaqet dhe rrethanat e ngjarjes, ndërkohë grupi hetimor po punon për zbardhjen e plotë të rastit.
