Një 70-vjeçare ka mbetur e plagosur paraditen e sotme pasi dy makina u përplasën kokë më kokë në aksin rrugor Vlorë – Kuç.
“Rreth orës 09:20, në aksin rrugor Vlorë – Kuç, në fshatin “Tërbaç”, shtetasi H. R., duke drejtuar automjetin tip “Benz” është përplasur me automjetin tip “Jaguar” që drejtohej nga shtetasi J.Dh.
Si pasojë e përplasjes është dëmtuar pasagjerja që ndodhej në automjetin tip “Benz” , shtetasja H. Xh., 70 vjeçe, banuese ne fshatin “Kallarat” , e cila ndodhet në Spitalin Rajonal Vlorë, jashtë rrezikut për jetën.”- njofton policia.
Grupi hetimor vijon punën për përcaktimin e saktë të shkakut të aksidentit.
