Një ngjarje e rëndë ka ndodhur pak pas mesnatës në Evosmo të Greqisë. Një 37-vjeçar shqiptar është ekzekutuar me armë zjarri jashtë banesës së tij.
ngjarja ndodhi 50 minuta pas mesnatës të së mërkurës kur 37-vjeçari po shkonte vetëm në shtëpi. Pasi parkoi makinën u drejtua drejt hyrjes së pallatit pa e ditur se aty e prisnin ekzekutorët e tij, raporton ‘Protothema‘.
Sipas informacioneve të fundit, ekzekutorët kanë qëlluar disa herë. Në vendin e ngjarjes policia ka gjetur katër gëzhoja dhe dy topa zjarri.
Ambulanca transportoi shqiptarin në spitalin “AHEPA”, ku ka ndërruar jetë pak kohë më vonë.
Burime policore të cituara nga thestival.gr ia atribuojnë ngjarjen një larje hesapesh mes banditëve të lokaleve te natës. Hetimet për ngjarjen e të shtënave në Evosmos u morën nga Departamenti i Krimeve Kundër Jetës në Drejtorinë e Sigurimit të Selanikut.
