Janë zbardhur disa prej mesazheve që kryeministri Edi Rama iu ka dhënë socialistëve gjatë mbledhjes me dyer të mbyllura të mbledhjes së Asamblesë Kombëtare të PS-së, ku zgjati rreth 50 minuta dh foli vetëm kreu i qeverisë.
Burime bëjnë me dije Rama iu ka kërkuar kryebashkiakëve “punë të ndershme” larg korrupsionit që të mos të përfundojnë në SPAK, ndërsa deputetëve u ka kërkuar më shumë punë në terren.
“Kryebashkiakët të bëjnë punë të ndershme, të mos shkojnë në dyert e SPAK. Deputetet të angazhohen me shumë si në terren edhe në jetën parlamentare.”, mësohet të ketë thënë Rama.
Gjithashtu, mësohet se Rama iu ka përsëritur të tijëve se; “PS nuk do të jetë mburojë e askujt”, ku si gjithmonë për kryeministrin tonë përgjegjësia është individuale dhe ai nuk e di fare se ministrat e tij “hanë dardha mbrapa kurrizit”.
Ndërkohë, Rama ka përgëzuar punën në terren të ministrit të Brendshëm, Taulant Balla dhe ministres së Shteti për Marrëdhëniet me Parlamentin, Elisa Spiropalit sa i përket organizimit të bërë prej tyre për zgjedhjet e 14 majit. Kujtojmë se Balla është drejtues politik në qarkun e Fierit, ndërsa Spiropali në Shkodër.
