Deputeti i PD-së, Gazment Bardhi, ka reaguar në lidhje me zvogëlimin nga ana e PD-së së vulës të listave të anëtarësisë për farsën zgjedhore të 29 korrikut për ta zgjedhur Lulzim Bashën sërish kryetar, duke e çuar nga 70 mijë anëtarë në 25 mijë anëtarë.
Në një postimm në rrjetet sociale, Bardhi shkruan se akti i përjashtimit të mbi 50 mijë anëtarëve me të drejtë vote është një damkë turpi mbi ata që po urdhërojnë zvogëlimin e PD për ta shndërruar atë në një parti private. Sipas tij, kjo është dëm me pasoja të rënda për PD-në. Bardhit thotë se PD ka nevojë të forcohet dhe jo të zvogëlohet.
“PD ka nevojë të forcohet dhe jo të zvogëlohet. Ka nevojë për të afruar anëtarë dhe jo për të përjashtuar. Akti i përjashtimit të mbi 50 mijë anëtarëve me të drejtë vote është një damkë turpi mbi ata që po urdhërojnë zvogëlimin e PD për ta shndërruar atë në një parti private! Kjo është një rrugë e gabuar dhe nuk është garanci për të ardhmen. Është dëm me pasoja të rënda për PD nga sjellje të së shkuarës së saj”, shkruan ai.
