Vajzat e ish-presidentit të SHBA-së, Donald Trump, kanë ardhur në Shqipëri. Pas Tiffany, edhe Ivanka Trump ka mbërritur në vendin tonë, konkretisht në Sarandë.
E veshur me një fustan me lule dhe një kapele kashte në dorë, Ivanka Trump zbriti nga jahti për të shijuar vaktin e drekës bashkë me miqtë e saj.
Kujtojmë se edhe vitin e kaluar, Ivanka Trump erdhi në Shqipëri me bashkëshortin e saj, Jared Kushner, me të cilin edhe vizituan gjithë jugun, Kepin e Rodonit, Sazanin, Butrintin etj. Çifti gjithashtu shoqërohej dhe nga Presidenti i klubit PSG, Nasser Al-Khelaifi.
Tiffany Trump ka ardhur në Shqipëri me bashkëshortin e saj Michael Boulos prej 4 ditësh dhe ka zgjedhur të darkojë në Tiranë.
Më pas, Tiffany është nisur për të shijuar disa ditë pushime në Ksamil dhe është shoqëruar me eskortë policore.
