Është mbyllur mbrëmjen e sotme turi i parë kualifikues në Ligën e Konferencës.
Skuadrat e Superiores kanë treguar një shpirt luftarak të madh, por e vetmja skuadër që mban lart flamurin shqiptar është Tirana.
Pas barazimit 1-1 në kryeqytet, bardheblutë kanë arritur të mposhtin në transfertë gjeorgjianët e Dinamo Batumi për të arritur kualifikimin për në raundin tjetër.
Dominimi i kryeqytetasve erdhi që në pjesën e parë të sfidës, me “heroin” e përballjes së parë, Regi Lushkja, i cili u kthye sërish në protagonist duket tundur rrjetën e Chichkan në minutën e 28’-të të sfidës, duke e mbyllur kështu pjesën e parë, me avantazhin 0 me 1, në favor të skuadrës së Orges Shehit.
Me fillimin e pjesës së dytë, vendasit e Batumit rrezikuan shumë herë portën “bardheblu”, por një super Gentian Selmani mbrojti denjësisht “shtyllat” e Tiranës.
Aty ku u duk se përballja do të mbyllej në rezultatin 0 me 1, në minutën e 78’-të nga një gafë e mbrojtjes gjeorgjiane përfiton sulmuesi Florent Hasani, i cili pason për mesfushorin Ardit Deliu, me këtë të fundit që çon topin në rrjetë duke vulosur kualifikimin e “bardhebluve”, pavarësisht golit të Kapanadze të shënuar në minutën e 90’-të të sfidës.
Me këtë fitore, “bardheblutë” e Orges Shehit siguruan kualifikimin për në fazën e dytë kualifikuese të Conference League, ku këtë herë do të kenë një kundërshtar tejet të vështirë si “gjigandët” turq të Besiktas.
Ndërkohë, të njëjtin fat nuk kanë pasur dy skuadrat e tjera të Superiores, Egnatia dhe Vllaznia të cilat i thonë lamtumirë Europës.
Rrogazhinasit u mposhtën në “Elbasan Arena” vetëm pas goditjeve të 11-metërshave nga Ararat Armenia.
Edhe pse kishin gjithçka në duart e tyre, Egnatia e Rrugozhinës është eliminuar nga Conference League pas një ndeshjeje dramatike.
Koha e rregullt u mbyll në barazim 2-2 edhe pse rrogozhinasit kaluan dy herë në avantazh. Por golat nuk kishin përfunduar pasi në 30 minutat e shtesës u shënuan edhe 4 gola të tjerë. Te penalltitë, armenët u treguan më të saktë, duke kaluar në fazën e ardhshme të Conference League.
Rezultat që nuk mjaftoi, pasi në raundin e dytë të Conference League u kualifikua skuadra nga Irlanda e Veriut falë triumfit 3-1 në shtëpi.
Bekim Balaj shënoi golin e fitores në minutën e 54’, duke realizuar shumë bukur me kokë.
Kuqeblutë pretenduan në të paktën dy raste për penallti, por arbitri azer vijoi lojën në të dy rastet.
Skuadra e Memellit insistoi deri në sekondat e fundit, por nuk ia doli të shfrytëzonte rastet e krijuara. Duke mos ia dalë të dërgonte sfidën në minutat shtesë.
Ndërkohë Partizani i eliminuar ditën e martë nga Champions League nga skuadra e BATE Borisov zbresin automatikisht në turin e dytë në Ligën e Konferencës. Ata do të përballen me skuadrën gn Andorra, Atletik Klub D’Eskalades.
Përveç skuadrave të Kategorisë Superiore, në Conference League luajtën edhe skuadra të tjera të rëndësishme shqiptare.
Dukagjini u kualifikua në turi ne dytë të Conference League. Skuadra e Dallkut kishte fituar 2-1 në ndeshjen e parë ndaj Europa FC, ndërsa sonte në Gjibraltar triumfoi 2-3.
Dështon Gjilani. Skuadra nga Gjilani eliminohet në turi ne parë të Conference League. Barazimi 2-2 në Luxemburg u duk shpresdhënës, por në Kosovë të besuarit e Duros u mundën 0-2 nga Niedercorn.
Për Shkupin ishte thjeshtë formalitet kualifikimi në turin e dytë të Conference League, pas asaj fitorje 5-0 në Lituani ndaj Hegelmann. Shkupjanëve u mjaftoi një barazim pa gola sot, për të prerë biletën për më tutje.
