Deputetja demokrate Albana Vokshi, e revoltuar, ka kërkuar në Kuvend që kryeministri Edi Rama të vijë në seancë, përndryshe ka paralajmëruar se kjo seancë nuk do të jetë normale.
Vokshi shprehet se në seancën e sotme parlamentare tre ministre të qeverisë Rama duhet të ishin shkarkuar nga detyra.
“Kjo seancë nuk do të jetë normale, kështu që thirreni Edi Ramën që të vijë. Të paktën 3 ministre që janë aty, sot duhet të ishin shkaktuar. Ky është konsultimi që ka bërë me studentët, i ka thënë që edhe po nuk ishit dakord, ne do e marrin vendimin dhe nuk ju pyesim fare.
Së dyti, ministrja e Shëndetësisë nuk duhet të ishte aty. Nuk ka ardhur në asnjë seancë me studentët. I ka injoruar, i ka refuzuar.
Krifca s’duhet të ishte aty. Rrezikohen fondi i IPARD III.”- tha Vokshi.
