Një aksident automobilstik është regjistruar mesditën e kësaj të mërkure në aksin rrugor Pogradec-Korçë.
Autoritetet policore bëjnë me dije se shtetasi A. L., 20 vjeç, banues në fshatin Vërdovë, Pogradec, duke drejtuar automjetin tip “Audi”, dyshohet se ka humbur kontrollin dhe automjeti ka dalë nga rruga. Si pasojë e aksidentit ka mbetur i plafgosur shoferi 20-vjeçar, si dhe shtetasi A. M., 23 vjeç, banues në Vlorë, pasagjer në automjet.
Ngjarja ka ndodhur rreth orës 13:30, në afërsi të fshatit Rëmenj. Dy të plagosurit janë transportuar me urgjencë për mjekim në spitalin e Pogradecit.
Grupi hetimor po punon për përcaktimin e shkaqeve të aksidentit.
