Në kuadër të hetimeve për aferën e inceneratorin, SPAK ka zgjeruar hetimet një ditë pasi ushtroi kontrolle në banesat e të afërmve të ish-ministrit Arben Ahmetaj tashmë i arratisur.
Burimet mediatike bëjnë me dije se ditën e sotme është marrë në pyetje edhe biznesmeni Geri Kuka i cili dyshohet se u përdor si “vegël” për të manipuluar dhurimin e vulës luksoze që mori Arben Ahmetaj nga Klodian Zoto.
Hetimet e prokurorisë kanë zbuluar disa mekanizma të stërholluara, ku përfshihen kompani, kredi bankare dhe disa transaksione radhazi, në atë që dyshojnë se është skema e përdorur nga Klodian Zoto dhe Mirel Mërtiri për të paguar ish-zëvendëskryeministrin Arben Ahmetaj.
Dosja nxjerr në pah edhe emrin e biznesmenit Geri Kuka, i cili rezulton se ka marrëdhënie kontraktuale që nga viti 2014 më Ahmetaj, për dhurimin e vilës në Palasë dhe Hamallaj.
“24 orë pasi Prokuroria e Posaçme kundër Krimit dhe Korrupsionit ekzekutoi vendimin 295 dhe 296, për sekuestrimin e katër pronave të Arben Ahmetaj dhe dy llogarit bankare, e se de të tjera të vlefshme tashmë Prokuroria ka edhe një listë të zgjeruar me biznesmen që sipas saj, me vite janë përdorur për një skemë për të qarkulluar para për të pastruar para e për të përfituar para, nga aktiviteti i korrupsionit të zyrtarit të lartë”
Të paktën prej vitit 2014, thotë SPAK, bazuar në dokumentin e bërë publike nga mediat, prej afro 320 faqesh, përsa i përket relacionit të prokurorisë së Posaçme, bëhet fjalë për faqen 124 dhe 293, bëhet fjalë për biznesmenin ose njohur ndryshe si ‘bossi i fiskalizimit’ me kompaninë e AE distribucion, Geri Kuku, i cili që prej vitit 2014 ka kontakte intensive me ish-zëvendëskryeministrin duke hyrë në marrëdhënie kontraktuale, me një investim 13 mijë metra katrorë në zonën e Palases, nga aty ka prodhuar vilën Sofia në Hamallaj e cila më pas është përfituar nga familja dhe bashkëjetuesja Erjola Hoxha, që tashmë është sekuestruar.
Por, në vitin 2018 kontratës i bashkëngjitet edhe ndërtimi i një tjetër vile, e cila do të ndërtohej nga e njëjta kompani, teksa kjo e fundit do të kompensohej nga investitori. Kështu ndodh, dhe në 19 nëntor të vitit 2019 firmoset kontrata për blerjen e vilës nga miku i Ahmetajt, Gerian Kuka.
Kjo pronë blihet për vlerën e 175 mijë eurove, vlerë e papërfillshme për një vile të standardeve të tilla, me sipërfaqe prej 221 metër katrorë dhe 521 metra katrorë oborr. Porositësi i kësaj vile rezulton se është Klodian Zoto dhe përfituesi i vërtetë, ish-zëvendëskryeministri, Arben Ahmetaj.
Kjo vërtetohet nga shumë detaje. Fillimisht, në një e-mail, që ndodhet në kompjuterin e Klodian Zotos, që është sekuestruar nga SPAK-u, kompania ndërtuese njofton më 20 qershor 2017 biznesmenin e inceneratorëve për ecurinë e punimeve pikërisht në vilën F.022, e njëjta që u ble me letra për shifrën e papërfillshme nga Gerian Kuka.
Burimet e SPAK, rezulton se Kuka, ka pranuar njohjet dhe bashkëpunimet me Ahmetaj dhe Zotin.
“Nga deklarimet e tij që ka bërë, Kuka, para hetuesve, pranon njohjet me Ahmetaj dhe Hoxhën, poashtu edhe me Klodian Zoton, për të cilën SPAK thotë se hetimet nuk do të ndalen përsa i përket aferës së inceneratorëve por edhe sa i përket tenderëve të përfituar nga operatori i Shpërndarjes së Energjisë Elektrike, aty ku së bashku me Zoton, rezulton se Geri Kuka, ka përfituar tenderin e OSHEE për sahatet elektrik, apo për matësit elektrik.
Ai vet ka dhënë deklarime, ndërsa SPAK, ndodhet në fazën e verifikimeve pasuror por edhe transaksione të dyshuar në marrëdhënie e biznesmenëve, zyrtarëve shtetëror, e ligjeve të bëra, por edhe të tenderëve të fituar.
Ajo çfarë rezulton deri në këto momente e konfirmuar për MCN live, bëhet fjalë se hetimet nuk ndalen te afera e inceneratorëve por edhe te tenderët e OSHEE , aty ku Zotot dhe Kuka, kanë fituar tender në bashkëpunim të favorizuar edhe më njohjet që kanë patur ndër vite me zv.kryeministrin Arbën Ahmetaj”.
