azetari Mentor Kikia tha në një intervistë për “Now me Erla Mëhillin” në Euroneës Albania se dosja e përgatitur nga Britania e Madhe që ka shpallur Sali Berishën non grata nuk është juridike, por politike.
Sipas tij asnjë gjykatës në botë nuk do ta çonte Berishën në burg duke iu referuar asaj dosjeje.
“Këto nuk janë vendime drejtësie, këto janë vendime politike dhe shpesh mund të perceptohen apo konsiderohen edhe siç i quajti zoti Berisha, thashetheme të Tiranës. Padyshim që me atë dosje, asnjë gjykatës në asnjë vend të botës nuk do të mund ta çonte zotin Berisha në burg, por vendimet për ta shpallur non grata nuk janë vendime gjyqësore, nuk kanë karakter penal, janë vendime politike të cilat konkludojnë një objektiv politik, një qeveri, një shtet kërkon që të mos ketë raporte politike, apo kërkon të nedërmarrë një lëvizje politike për të penguar, larguar, mënjanuar një x politikan, jo vetëm në Shqipëri, edhe në vende të tjera dhe është shpikur ky mekanizëm,” – u shpreh Kikia.
