Skënder Gjinushi ka pranuar se mandati i tij në krye të Akademisë së Shkencave ka përfunduar, pasi ditën e sotme në një njoftim për mediat bëhet me dije se do të mbahen zgjedhje, por… në fund të vitit.
Në njoftimin zyrtar nga ASH, thuhet se Kryesia e Akademisë së Shkencave të Shqipërisë menjëherë pas pushimeve do të caktojë datën e zgjedhjeve në konsultim me Asamblenë e ASh-së, ndërkohë që vazhdon kryerjen e funksioneve të saj konform ligjit.
Lidhur me këtë ka reaguar edhe akademiku Artan Fuga. Përmes një postimi në rrjete sociale, Fuga shprehet se kryesia e Akademise se Shkencave ka kapur rob institucionin, duke shkelur ligjin, pasi zëvendëskryetari e ka përfunduar mandatin më 23 maj dhe zgjedhjet duhet të ishin caktuar më 19 qershor.
Reagimi i plotë:
Skandali qe media e konfirmon: Kryesia e Akademise se Shkencave ka kapur rob institucionin, nuk zhvillon zgjedhjet ne kohen qe percakton ligji, por i shtyn edhe per…gjashte muaj te tjere, ne fund te vitit!
Zevendeskryetari e ka perfunduar mandatin ne 23 maj, kryetari edhe pak ore i mbeten, zgjedhjet duhej te ishin caktuar qysh me 19 qershorin e kaluar dhe keta Kane guxim bejne deklarate per zgjedhjet per kershendella!
Cfare po ndodh ne mes te kesaj vape!
Kryesia qe ka uzurpuar akademine e shkencave, lajmeron se me vendimin e vet, qe s’e lejon as ligji dhe as statuti, per interesin e vet, zgjedhjet shtyhen kur do ajo, mund te thote edhe nuk do behen me kurre !
A ka me rende sesa kaq, a mund te shkelet ligji me teper se kaq, a nuk po behet gjithcka qe nga njera âne pushteti uzurpohet, pushtohet akademia e shkencave, dhe ne Kuvend behet cmos te kaloje nje ligj antikushtetuese qe ndryshon nderkohe rregullat e zgjedhjes?
Dhe kjo kryesi qe nuk kryen zgjedhjet, ka tager akoma te jape njoftime ne media? Te perfaqesoje akademine e shkencave?
Nese ndodh, ne Shqiperi mos behet me fjale per ligje dhe zbatime te tyre!
