Ekipi i Skënderbeut dhe rikthimi i tij në elitën e futbollit shqiptar u prit me pozitivet, pasi një ekip me traditë që ka shkruar historinë në vend dhe Europë meriton të jetë gjithmonë në këto nivele.
Por tani Skënderbeu po punon fort në merkato për të pasur një skuadër konkuruese në elitën e futbollit shqiptar.
Drejtuesit deri tani kanë afruar disa emra të cilët nuk janë të bujshëm por të studiuar mirë. Por lojtari i radhës që pritet t’i bashkohet ekipit korçar është Andrea Gërxho. Ka kohë që Skënderbeu është në bisedime me lojtarin dhe akordi duket se është arritur.
Shqiptari 23-vjeçar luan si mbrojtës i djathtë në Serie C me Fermana dhe këtë sezon ka bërë mjaft mirë në 26 ndeshje duke shënuar 1 gol e 2 asiste.
