Policia ka identifikuar personin që vrau 50-vjeçarin shqiptar ditën e enjte në Selanik. Sipas burimeve të medieve greke nga policia, autori i dyshuar për krimin është gjithashtu shqiptar.
Ai është identifikuar nga Policia Greke nëpërmjet targës së makinës që ai udhëtonte. Shqiptari i dyshuar për vrasjen e bashkëkombasit të tij rezulton me precedentë të mëparshëm penalë.
Ai ndodhet ende në arrati ndërkohë hetimet për lokalizimin e tij vijojnë. Ngjarja e rëndë ndodhi mesditën e sotme rreth orës 13:00 në rrugën Solonos 51 në Selanik, Greqi.
Në disa pamje të publikuara shihet qartë momenti kur 50-vjeçari është përleshur me autorin i cili ndodhej në automjet, teksa tenton të qëllojë drejtuesin me një send të fortë që ka në dorë.
Mirëpo, sapo është tërhequr, personi i cili ndodhej në automjet e ka qëlluar tre herë me armë dhe shqiptari ka rënë në tokë duke gjetur vdekjen e menjëherëshme. Autori menjëherë u largua me shpejtësi nga vendi i ngjarjes.
— kakajason (@kakajason50) July 13, 2023
